16వ తేదీ సాయంత్రం ట్రాఫిక్ ఆంక్షలు

హైదరాబాద్ : ఈ నెల 16వ తేదీ సాయంత్రం నగరంలో ట్రాఫిక్ ఆంక్షలు ఉంటాయని పోలీసులు వెల్లడించారు. శాసనసభ ప్రొటెం స్పీకర్‌గా మజ్లిస్ ఎమ్మెల్యే ముంతాజ్ అహ్మద్ ఖాన్ 16న సాయంత్రం 5 గంటలకు రాజ్‌భవన్‌లో ప్రమాణస్వీకారం చేయనున్నారు. ముంతాజ్ అహ్మద్ ఖాన్ చేత గవర్నర్ నరసింహన్ ప్రమాణస్వీకారం చేయించనున్నారు. ఈ నేపథ్యంలో ఆ రోజు సాయంత్రం 4 గంటల నుంచి 6 గంటల వరకు రెండు గంటల పాటు రాజ్‌భవన్ వైపు వెళ్లే మార్గాలన్నీ మూసివేయనున్నారు. దీనికి నగర ప్రజలు సహకరించాలని పోలీసులు విజ్ఞప్తి చేశారు. వాహనదారులు ప్రత్యామ్నాయ మార్గాలు చూసుకోవాలని పోలీసులు సూచించారు.

Leave a Comment