ఆ నొప్పి .. ఎలా దూరం?

ఆ నొప్పి .. ఎలా దూరం?
ప్రపంచ వ్యాప్తంగా సుమారు 67.2 శాతం మంది స్త్రీలకు నెలసరి నొప్పి ఎప్పుడో ఒకప్పుడు వస్తుంటుంది. ఈ సమస్య వచ్చినప్పుడు పొత్తి కడుపులో నొప్పిగా ఉండటం, కాళ్లు లాగటం, నరాల నొప్పులు, వాంతులు, విరేచనాలు, నడుంనొప్పి, కూర్చోలేక, నిలబడలేక పోవడం.. ఒక్కోసారి తలతిరిగి పడిపోవడం వంటి మానసిక, శారీరక సమస్యలు ఎదుర్కోవలసి వస్తుంది.

స్త్రీలకు ప్రతీమాసం 3-4 రోజుల పాటు నెలసరిదశ తప్పదు. ఈ సమయంలో శరీరంలోని హార్మోన్ల మార్పు వల్ల గర్భసంచిలోని కండరాలలో అసాధారణ సంకోచ, వ్యాకోచాలు జరిగి కడుపునొప్పి వస్తుంది. స్రావం అధికంగా ఉంటే అది గర్భాశయంపై ప్రభావం చూపుతుంది. ఇది రెండు రకాలుగా ఉంటుంది.

* కొంతమంది స్త్రీలకు బహిష్ఠులు మొదలైనప్పటి నుంచి వివాహమై, పిల్లలు పుట్టే వరకు ఉంటుంది.

* మరికొందరికి శరీరంలోని హార్మోన్ల అసమతుల్యతలు, అవయవ సంబంధమైన ఈ కింది సమస్యల వల్ల వస్తుంది. గర్భాశయం.. పొరలు బయటకు వెడలడం, ఇరు పక్కల ఉండే ట్యూబులు మెలిపడటం, ఇన్‌ఫెక్షన్‌ రావడం, గర్భనిరోధక పరికరాలను సరిగా అమర్చకపోవడం, అండాశయాలలో తిత్తులు, కణితుల వలన బహిష్ఠు సమయంలో కానీ ముందుగానీ నొప్పి వస్తుంది.