Saturday, 13 March 2010 04:10

గ్రీన్‌యాపిల్‌తో....మై గ్రేన్‌కు చెక్‌
మహిళల్లో ఒత్తిడి శాతం పెరిగిపోయి అది క్రమంగా మైగ్రేన్‌ తలనొప్పిగా తయారయ్యే ప్రమాదం లేకపోలేదని వైద్యులు చెబుతున్నారు. ఇప్పుడు అటువంటి మైగ్రేన్‌ తలనొప్పికి విరుగుడుగా ఆకుపచ్చని యాపిల్స్‌ మార్కెట్లో లభ్యమవుతున్నాయి. వీటిని తింటే మైగ్రేన్‌ తలనొప్పిని దూరం చేయవచ్చని వైద్యులు చెబుతున్నారు.చిట్స్‌ కట్టాలి, ఎల్‌ఐసీ పాలసీలు కట్టాలి, పిల్లల స్కూలు ఫీజులు కట్టాలి...వీటన్నింటినీ ఆ వచ్చిన డబ్బుతోనే సరిపెట్టాలి...ఇంకా అవకాశం ఉంటే వీటిల్లోనే సేవ్‌ చేసి...భర్త అవసరాలకి సర్ధుబాటు చేయాలి...ఒక పక్క ఇన్ని పనులు ఒంటిచేత్తో చేస్తూనే మరో పక్క తన ఉద్యోగ బాధ్యతలను నిర్వర్తిస్తూ...ఇంటిల్లిపాది బట్టలు, అంట్లు తానే చేయాల్సివస్తోంది. మరి ఇన్ని సమస్యలను నెట్టుకొస్తున్న మహిళల్లో ఒత్తిడి శాతం పెరిగిపోయి అది క్రమంగా మైగ్రేన్‌ తలనొప్పిగా తయారయ్యే ప్రమాదం లేకపోలేదని వైద్యులు చెబుతున్నారు.


నేటి ఆధునిక యాంత్రిక జీవనంలో ఒత్తిడికి లోనయ్యేది ఎక్కువగా ఆడవారేనని సర్వేలు చెబుతున్నాయి. మగవారు కేవలం సంపాదించడం వరకు మాత్రమే పరిమితం అవుతున్నారు. ఇంట్లో చిన్నచిన్న విషయాలన్నింటినీ ఆడవారే దగ్గరుండి మరీ చూసుకోవాల్సివస్తోంది. ఉదయం లేచిన దగ్గరనుంచి పాలబిల్లు, కరెంట్‌ బిల్లు, ఎటిఎంలో డబ్బులు డ్రా చేయడం, అవసరం అనుకుంటే బ్యాంకులకు వెళ్లి గోల్డ్‌ లోన్‌ తీసుకురావడం వంటి పనులతోపాటు రొటీన్‌గా తెచ్చే కూరగాయలు, ఇంటి సరుకులు ఇవన్నీ ప్లాన్‌ చేసుకుని తీసుకురావడంలో మహిళలు ప్రధానపాత్ర వహిస్తున్నారు.

Saturday, 13 March 2010 04:10

కడుపు నొప్పికి కారణాలు అనేకం. ఎంత వెదికినా ఒక్కొక్కసారి కారణమే కనిపించదు. ఈ రోజుల్లో కూడా కడుపు ఒక మాజిక్‌ బాక్స్‌లాగా ప్రవర్తిస్తుంటుంది. అంటే ఆ బాక్స్‌ తెరిచే వరకూ (ఆపరేషన్‌ చేసే వరకూ) కారణం తెలియపోవచ్చు. కడుపు నొప్పి రావడానికిగల కారణాలేమిటి? అన్ని నొప్పులకు ఆపరేషన్‌ ఒక్కటే మార్గమా? ఏ వయస్సులో ఏ జబ్బుతో నొప్పి వస్తుంది? పురుషుల్లో, స్త్రీలలో వచ్చే నొప్పికి కారణాలేమిటి?

కడుపు నొప్పికి కారణమైన వాటిలో అనేక సందర్బా లలో '24 గంటల ఆపరేషన్‌' అని పేరు తెచ్చుకున్న అపెండిసైటిస్‌నుండి మందులతో, ఆహార నియమాలతో నయం చేయగలిగే అల్సర్‌ వరకూ అనేకం ఉన్నాయి. వీటిని వైద్య పరిభాషలో 'అక్యూట్‌ అబ్డామిన్‌' అని, 'క్రానిక్‌ అబ్డామిన్‌' అని విభజిస్తారు. అక్యూట్‌ అబ్డామిన్‌ సమస్య విపరీతమైన కడుపునొప్పితో ప్రారంభమవుతుంది. తగిన సమయంలో చికిత్స చేయకపోతే ప్రాణాపాయం కూడా సంభవించవచ్చు. అక్యూట్‌ అబ్డామిన్‌కు ఉన్న అనేక కారణాల్లో ఇన్‌ఫెక్షన్లది ప్రధాన పాత్ర. అంటే కడుపులోని వివిధ అవయవాలకు ఇన్‌ఫెక్షన్‌ సోకితే ఏర్పడే స్థితి అక్యూట్‌ అబ్డామిన్‌. వీటిలో అక్యూట్‌ అపెండిసైటిస్‌, అక్యూట్‌ కోలిసిస్టయిటిస్‌, స్త్రీలలో సాధారణంగా కనిపించే సాల్పిన్‌జైటిస్‌, కాలేయానికి చీము పట్టడం ప్రధానమైనవి.

కడుపునొప్పికి సంబంధించిన మరి కొన్ని కారణాలలో ప్రేవులు మెలిక తిరిగిపోవడం లేదా వాటి మార్గంలో ఏదైనా అడ్డుపడటం ప్రధానమైనవి. దీనిని వైద్యపరిభాషలో ఇంటెస్టినల్‌ అబ్‌స్ట్రక్షన్‌ అంటారు. అదే విధంగా కడుపులో రక్తనాళాలు పగిలిపోవడం, గర్బి ణీ స్త్రీలలో పిండం గర్బ కోశంలో కాకుండా, ఇతర ప్రాంతాలలో పెరిగి, ఆ భాగం చిట్లి రక్తస్రావం కావడం (దీనిని రప్చర్డ్‌ ఎక్టోపిక్‌ గెస్టేషన్‌ అంటారు) మొదలైనవి కడుపునొప్పికి కారణమవుతున్నాయి. ఒక్కొక్కసారి కడుపులో కాకుండా, కడుపుపైన గోడలాగా ఉండే కండరాలకు ఇన్‌ఫెక్షన్‌ (అబ్డామినల్‌ వాల్‌ ఇన్‌ఫెక్షన్‌) వచ్చినా, ఛాతిలోని అవయవాలకు ఇన్‌ఫెక్షన్‌ సోకినా కడుపునొప్పి వచ్చే అవకాశం ఉంటుంది. మరికొన్ని సార్లు వెన్నెముకకు వచ్చే జబ్బులు, మధుమేహం వలన కూడా కడుపునొప్పి వచ్చే అవకాశాలున్నాయి.